Mumbai Indians vs Delhi Capital match aaj aakhri league match hai dono teams ka. Aaj ke match par aur bhi teams ki nazar bani rahegi. Aaj Mumbai vs Delhi match se hi pata chalega ke IPL playoff me kaunsi team jagah banayegi.
RCB ka aage pahunchna puri tarah se Mumbai Indians ke upar nirbhar karega. Agar Mumbai Indians jeet jaati hai toh RCB ki playoffs me jagah pakki ho jayegi. Lekin agar Delhi capitals jeet gayi toh RCB reh jayegi aur Delhi top 4 me jagah bana legi.
Mumbai Indians bhi apne bache hue khiladiyon ko aajmayegi aur Delhi Capitals apne sabse badhiya 11 khiladi maidaan me utaregi.
RCB ne apne pichle match me Gujarat Titans ko haraya hai aur ab sab kuch Mumbai vs DC ke match result par depend karega. RCB ke fans bhi ab Mumbai Indians ko hi support karenge ek din ke liye. Social Media par kaafi fans ne post kiye hain.
Delhi ki taraf se Mitchell Marsh aur Devid Warner kaafi acchi form me chal rahe hain aur team ki backbone bane hue hain. Sarfaraz Khan ke pichle match ke performance ke dum par wo bhi playing 11 me jagah bana sakte hain.
Dusri taraf Mumbai Indians ne shuruwat acchi nahi ki lekin unhone Rajasthan royals ko hara diya. CSK ko hara kar unki playoff ki ummeed khatam kar di aur Gujarat Titans ko bhi hara diya. Tim David aur Tilak Verma kaafi acchi form me chal rahe hain.
Mumbai Indians ke sambhavit playing 11 : 1 Rohit Sharma (captain), 2 Ishan Kishan (wicket keeper), 3 Tilak Varma, 4 Ramandeep Singh, 5 Tristan Stubbs, 6 Tim David, 7 Daniel Sams, 8 Sanjay Yadav, 9 Jasprit Bumrah, 10 Riley Meredith, 11 Murugan Ashwin/Mayank Markande.
Delhi Capitals ke sambhavit playing 11: 1 David Warner, 2 Sarfaraz Khan, 3 Mitchell Marsh, 4 Rishabh Pant (captain aur wicket keeper), 5 Lalit Yadav, 6 Rovman Powell, 7 Axar Patel, 8 Shardul Thakur, 9 Kuldeep Yadav, 10 Anrich Nortje, 11 Khaleel Ahmed.
Dekhte hain ke kaun IPL playoffs 2022 me jagah banayega, RCB ya DC.
Aapka kya view hai aur kuch aur aapke input hain toh comment kariye.
Leave a Reply