Aapne bahut logon se suna hoga ke blog kaise chalta hai aur blog se kitni kamai hoti hai. Par bahut kam log ye batate hain ke blog kaise banaye aur kya kya steps hai blog banana ke. Aaj main aapko ye hi batane wala hoon ke blog banane ki shuruwat kahan se karen aur kis tarah usko acchi tarah se aage badhana hai.
Free ya kharida hua?
Ji haan aapke paas 2 tarike hain blog banana ke liye, pehla hai free aur dusra hai kharid kar. Free wale me aapko kisi bhi cheej ka koi paisa nahi dena hai aur jo dusra vikalp hai paise wala usme aapko domain name aur hosting service kharidni hoti hai. Free me blog banana ke liye aapke paas Blogger.com ya kahiye blogspot ka vikalp hai jo ki Google ka hi hai. Ispe aap apne google wale account ya kahiye ki gmail wale id se login kar sakte hain aur apna blog bana sakte hain.
Sabse pehle aapko blogger me login karte hi aapko ek option aayega “ Choose name of your blog” aur wahan aapko apne blog ka naam likhna hai. Yahan par aap naam likh sakte hain jaise ki “ Technical Master “ ya fir “Gyaan Ganga”. Uske baad aapko next par click kar ke “choose a URL for your Blog” aayega. Usme aapko aapke blogspot wale website ka naam likhna hai. To aap likh sakte hain jaise “technicalmaster”aur “.blogspot.com” pehle se likha hua hoga. Apke blog ka website address hai “technicalmaster.blogspot.com” aur ye hi aap apne doston ke sath share kar sakte hain. Agar aapko wo naam nahi mil raha hai toh usme thoda badlaav aap kar sakte hain
Uske baad aata hai aapka display name jo aapke blog ko padhne walon ko dikhega. To yahan aap fir se Technical Master likh dijiye aur Finish par click kar dijiye.
Aapka blog shuru ho gaya hai aur aapko niche di hui photo wali screen dikhegi.
Aapko fir New Post par click karna hai aura ap apna pehla post likh payenge. New post par click karte hi aapko niche di hui photo jaisi screen dikhegi.
Title me aapko aapke post ka title likhna hai aur niche khali area me aapka article likhna fir chahe wo kisi bhi topic ke baare me ho. Niche diye hue photo me aap dekh sakte hai kaise aap likh sakte hain.
Likhne ke baad pehle aap “Preview” wale button par click kar ke dekh lijiye ke aapka likha hua post kaisa dikh raha hai aur agar sab kuch sahih ai toh aap publish par click kar sakte hain. Us se pehle right hand ki side me agar aapke link ko badalna chahte hain to niche wali photo me dekh kar samajh sakte hain ke kaise karna hai.
Uske baad aap ye bhi decide kar sakte ho ke aapko comment chahiye ya nahi aapke blog par.
Ye sab hone ke baad aap “Publish” par click kar dijiye aur Confirm kar dijiye. Aapka blog publish ho gaya aura ap dekh sakte hain us link par jo aapne badla tha.
Upar wali photo me aap dekh sakte hain ke kaise aapka pehla post publish hone par dikhega. Blog kaise start kare ye ab aapko aa gaya hai. Blog post aap aapke pasand ke topic par likh sakte hain par koshish kijiye ke aap ek categeory ko pakad kar rakhen aur us se jude hue post karen. Is se ye hoga ke aapke readers bandh jayenge aapke blog se aur us topic ko lekar aur bhi aise posts dekhna pasand karenge. Agar aapko blog nahi likhna aata hai toh maine uspe bhi ek post dala hai jiska naam hai “blog post kaise likhen”. Aap usko dekh kar apne post me sudhar la sakte hain.
Ab baat karte hain left hand side ke menu ki jisme aap dekh sakte hain ke “Stats” aapko aapke blog ke kitne views hain wo batayega, kis din kitne logon ne aapke blog ko dekha. Aur baaki ke menu me aapko dikhega “Comments” jahan par aap comment ki details dekh payenge. “Earnings” me aapke blog se hui kamai dekh payenge. “Pages” “Layout” aur “Theme” me aap dekh payenge ke agar aapko aapke blog ke dikhne me kuch badlav karna hai toh aap kar payenge. “Settings” aur uske baad hai “Reading list”. Blog kaise banaye ye aapko aab aa jayega.
Sabse niche hai “View Blog” jis se aap ye dekh sakte hain ke aapka blog baaki logon ko kaisa dikh raha hai. Blogging kya hai ab aapko pata chal gaya hoga to ab aap apne doston ko bata payenge ke blogging kaise kare.
To ye baat hui blog free me banana ke baare me and agar isme aapko koi bhi doubt hai toh aap comment kar ke bataiye.
Ab baat karte hai paise laga kar shuru kiye jane wale blog ki jahan aapko kharidna hoga ek domain aur hosting. Agar aapko pata nahi hai ke Domain kya hota hai aur kaise lete hain toh mere iss post “Domain kya hota hai.” ko dekh lijiye. Aapko pata chal jayega aur issi tarah aap hosting kya hota hai aur kaise lete hai uspar bhi mera likha hua post ”Domain name kya hota hai” dekh sakte hain. Jahan aapko pata chal jayega ki kaunsa hosting plan aapke liye lena sahi rahega.
Domain aur hosting lene ke baad agar aapko coding aati hai toh aap aaram se blog bana lenge. Agar aapko bhi meri tarah coding nahi aati hai toh aap wordpress se bhi apna blog bana sakte hain. WordPress par aap blogger se jyada functions dekh payenge aur bahut kuch naya aap apni website ya kahiye blog me jod payenge. Blog ke sath sath aap ek puri website bana payenge jaisi kia ap alag alag jagah dekhte hain. News website, cricket ki website, shopping website aur aisi anek alag alag tarah ki website aap bana payenge.
Agar aapko WordPress website banani hai toh ye “Wordpress website kaise bananye” Article dekhiye jisme maine wordpress website banane ki saari jankari de rakhi hai. Aur sirf wordpress hi nahi balki waise hi aur bhi tools hain jaise ki Joomla, Wix, aadi. WordPress par website banane me blogger se thoda jyada samay lagta hai par uska fayda bhi utna hi jyada hai. Ummid hai ke blogging kya hai ab aapko pata chal gaya hoga.
Ye do tarike jawab hain jinse aap blog kaise banayen wale sawal ke. Blog banana jyada mushkil nahi hai ab aapko ye samajh aa gaya hoga. Blog kaise banaye – Blog kya hota hai ye humne aapko bata diya hai. Aisa aur bhi kuch doubt ho aapko toh comment kar ke batayen. Blog kaise banaye ye post aapko kaisa laga ye bataiye niche comment me.
Leave a Reply