4 bade business ideas, ye business kabhi band nhi honge…

post1

Friends 2023 abhi shuru hone wala hai aur last ke 2 saal humne kaise nikale hai ye hum sab jante Hain. Kafi log Hain jinki naukri chali gayi hai aur apna khud ka kuch business start karne ki soch rahe Hain. Lekin business start karne se pahle ye bhi dar rahta hai ki ye chalega ya nhi. Sab sochte hain ki aisa kaunsa business start karen jo unhe bohot jayada profit dilaye aur chalta bhi rahe. To aaj hum janege aise 4 business ke bare me jo growing bhi hai, profit bhi accha denge aur band bhi nhi honge. Aap kahin bhi paisa invest karte hai to ye darr hamesha rahta hai ki kahin ye sector band to nhi ho jayega, isme mandi to nhi aa jayegi, kahin paisa barbaad to nhi ho jayega. Lekin hum niche jo 4 business ki baat karenge usme na kabhi mandi aayegi na band hoga aur na aapka paisa barbaad hoga.

1. Transport business

Agar aap apna paisa aage invest karna chahte Hain, growth chahte Hain ya us sector me aapko job karni hai to sabse accha option hain transportation business. Aaj ke time pe transportation business alag alag sector me bohot hi jayada grow kar raha hai. Abhi agar baat Karen to Amazon ke malik ki jo ki sabse bade paise walon me se 1 Hain. Amazon aaj duniya ki badi companies me se 1 Hain. To aakhir Amazon karti kya hai?. Amazon 1 jagah se 1 product ko leti Hain aur dusri jagah pahunchati hai. Aur iske bich wo apna margin leti hain. Agar hum dekhenge to na wo product Amazon ka tha aur to aur wo product pahle bhi market me available tha aur hamare jaise customers bhi pahle available the. Amazon ne sirf 1 platform tayar kiya jis se product ko 1 place se dusre place pe pahunchane ka kaam karta hai jiski wajah se yah itni badi company ban gayi Hain. Kafi companies aisi Hain jo aaj transportation ka hi kaam Kar rahi Hain jaise flipkart, jabong, myntra jo bas saman ko 1 jagah se dusre jagah hi pahunchati hai. Aaj kal hum khana order karte hain to swiggy, zomato, ye companies bhi transportation ka kaam hi, kar rahi Hain aur bas apna margin charge kar rahi Hain. Pahle hum kahin bahar jate the to auto ya long distance ke liye personal car book karte the lekin aaj hum ola ya uber book karte hain. Yeh bhi to transport business hi hai. To der mat kijiye aur transportation business me invest kijiye.

2. Food industry

Dusra jo sabse jayada chalne wala business Hain wo hai food industry. Khana hum sabhi ko chahiye aur nayi chiz try karna bhi sabko accha lagta hai. Humari country me thodi thodi dur par hi alag language aur khana dono hi mil jayega. Agar aap khana banane ya khane ke shaukeen Hain to food industry me jarur invest kijiyega. Chahe kuch bhi kyun na ho jaye log khana to chod sakte to yeh 1 growing business hi hai. Jaruri nhi ki aap starting se hi koi bada restaurant open karen. Aap chote stall ya cafe bhi open kar sakte hain aur accha business wo bhi profit ke sath chala sakte hain.

3. Education industry

Education industry me bhi business start karne karne ka bohot hi accha option hai. Agar aap dusro ko padhane me intrest rakhte Hain to aap koi school, college ya koi coaching class shuru kar sakte hain. Sab parents ye hi chahte Hain ki unka baccha acchi se acchi degree le aur grow kare aur iske liye apna sab kuch baccho ki education par invest karne ke liye tayar rahte Hain. Aap personal tution bhi de sakte hain. Waise aaj kal padhai sirf school tak simit nhi rah gayi hai. Bacche online classes bhi lena chahte hai to agar aapko bahar travel nhi karna hai to aap online bhi padha sakte hain. Agar aapko stitching aati hai to aap uska class open kar sakte hain ya aap cooking class bhi shuru kar sakte hain. Matlab aapko jo kuch bhi aata hai aur jisme bhi aapko intrest hai aap usme hi invest kar ke business start kar sakte hain.

4. Medical industry

Forth sabse badi field hai medical field jahan aap invest kar sakte hain. Medical ki jarurat hamesha se rahi hai aur aage bhi rahegi hi. Jabse corona chalu hua tab se logon ko medical ki importance samajh me aane lagi. Medical policies ki importance pata chali ki kaise policy lene walon ko help hui hai. Aap medical line me invest kar ke accha profit bhi bana sakte hain aur grow bhi kar sakte hain.

Agar aap aage business start karne ka soch rahe hain aur profit banane ke bare me soch rahe hain to aap uper diye gaye ideas jarur follow karen. Agar aapko post accha laga to hamen comment kar ke jarur batayen.

post2

Be the first to comment

Leave a Reply

Your email address will not be published.


*