SA vs IND ODI series- South Africa ne India ko haraya pehle match me 31 runs se.

post1

Test series haarne ke baad Indian team apne naye captain KL Rahul aur coach Rahul Dravid ke sath One day series khelne utri. Pehle One-day match me South Africa ne banaye 296 run aur 4 wicket gire unke iss score tak pahunchne me.

South Africa ki batting

South Africa ki taraf se sabse jyada run banaye Van Der Dussen ne 129. Aur South African captain Bavuma ne banaye 110 run. In dono ki century ki wajah se bhartiya team ke samne ye 297 run ka lakshya rakha gaya.

Bhartiya team ne bahut jaldi South Africa ke 3 wicket gira diye the lekin uske baad Indian bowlers ke gendbaaji me koi dhaar nazar nahi aayi. Dussen aur Bavuma ki partnership 200 run ki ho gayi aur bhartiya bowlers ke kandhe unke aage jhuk gaye. India ki taraf se wicket lene wale gendbaaz rahe Bumrah 2 wicket aur Ashwin 1 wicket aur ek run out Venkatesh ne kiya.

Indian Batting

Jawab me batting karne utri bhartiya team ne acchi shuruwat ki aur 46 run ki opening sajhedaari ki. Lekin uske baad Captain KL Rahul out ho gaye aur maidan par aaye purv captain Virat Kohli. Kolhi ne Shikhar Dhawan ke sath mil ke score ko 138 tak pahunchaya. Uske baad to jaise line lag gayi pavellion jane ke liye.

Middle Order fail hua

138 par 2 se bahrtiya team 199 par 7 ho gayi. Bowlers ne thode run banaye aur kisi tarah score ko 265 tak le gaye. Shardul Thakur ne maari pehli half century lekin wo jeetane me kaam nahi aayi. Pehle Shikhar ne 79 run aur Virat Kohli ne banaye 51 run.

Problem areas of India team

Bhartiya middle order sabse badi problem raha aur bowling me 3 wicket ke baad baaki wicket na gira pana bhi ek badi mushkil bana. Rishabh pant ne bhi kuch acche mauke gawaaye wicket ke piche.

Ab South African team series me 1-0 ki badhat lekar chal rahi hai. Aage aane wale 2 match Indian team ko jeetne hi honge warna ye series bhi Bharat haar jayega.

Van Der Dussen ko player of the match diya gaya.

post2

About Guest Blogger 189 Articles
Pankaj Sharma is a blogger and Youtuber. He often writes and makes videos on Online Money Making ideas and also guide his followers about Stock Market investment. He is writing and making content from past 4-5 years and JaldiMoney is one of the place where he writes frequently.

Be the first to comment

Leave a Reply

Your email address will not be published.


*